爭取 - 政策

1️⃣ 高中同學可以觀看初中 Sing Con.🎤

想為初中嘅師弟師妹加油打氣、想睇精彩表演，

但係又冇機會？

唔緊要！我哋會向學校爭取高中觀看初中 Sing Con. 嘅機會，

令高中同學都可以一齊感受 Sing Con. 嘅熱烈氣氛，支持師弟妹！

2️⃣ 校隊訓練可以穿著 PE 衫回校 🏃🏻‍♂️

練完波/隊訓要換幾多次衫好麻煩？

我哋爭取俾校隊成員喺有訓練嘅日子直接著 PE 衫返學，減輕大家負擔！

咁就唔使特登拎咁多嘢返嚟訓練啦～

3️⃣ 攜帶無糖茶上班房 🍵

上堂上到攰攰地，

想飲啲嘢醒下神，但係班房又唔可以飲水以外嘅嘢，

點算好呢...

唔緊要～我哋會為大家爭取可以帶無糖茶入班房飲用，

保持精精神神上堂！

而無糖茶又解渴精神，又無糖，

唔使驚會倒瀉整污糟課室啦😁😁

4️⃣ Sports Day 可以影相 📸

陸運會咁多精彩時刻，

點可以唔紀錄落嚟？

但係無奈 Sports Day 唔可以影相，

冇得同 Friends 紀錄低呢啲美好時隔😔

為咗俾大家唔好留低遺憾，

我哋會爭取開放 Sports Day 影相，

留住大家最熱血嘅回憶！

5️⃣ Sing Con. 邀請嘉賓 🌟

「人哋學校嘅 Concert 有嘉賓好正，我哋都想有嘉賓嚟李城璧表演啊🎤！」

Sing Con. 氣氛咁正，有埋嘉賓就簡直錦上添花啦💐

所以我哋會積極爭取邀請特別嘉賓蒞臨現場，

俾大家一個最難忘嘅音樂盛會！

6️⃣ 提早 7:40 上班房 🚪

早返到學校唔想喺操場吹風/挨熱？

我哋爭取提早喺 7:40 開放班房，

等同學可以早啲入去準備/休息！

俾大家可以整理自己、收拾心情迎接嚟緊嘅早會同課堂🏫

7️⃣ 女廁提供衛生用品 🌸

「突發情況先嚟冇帶衛生巾，唔通連個天都唔鍾意我😭😭」

唔知各位女同學有冇試過俾突發情況搞到心慌慌？

唔使驚！我哋會爭取喺女廁免費提供急需嘅衛生用品，

做大家最貼心嘅後盾！

8️⃣ Dance Com. 中六可以參加 💃🏻

相信各位中六同學都想最後一年留下青春回憶，考完DSE放鬆下～

但係中六又冇得玩 Dance Com.🥲

所以我哋爭取開放俾中六同學參加 Dance Com.，

唔留任何遺憾！

9️⃣ 「城壁開冷氣」 App System 增加更新時段 ❄️

明明早會嘅時候仲涼浸浸，但係十二點就熱辣辣，

仲要冇得開冷氣😩

為咗避免呢啲情況，

我哋會爭取喺 App 系統加設第一、二小息即時更新「是否宜開冷氣」嘅狀態，

令大家環境更舒適！

咁就唔會影響大家上堂啦😉